戰 神 40 年 Nissan GT-R

叫 得 超 級 跑 車 ， 從 來 都 係 扁 撻 撻 ， 未 開 車 個 靚 仔 樣 已 經 引 到 你 流 口 水 ， 鬼 佬 有 拉 利、 林 寶 ； 日 本 仔 亦 有 NSX 、 RX-7 ， 例 外 的 只 有 「 戰 神 」 GT-R 一 部 ！ 四 四 方 方 肥 大身 形 ， 望 落 頂 盡 只 可 以 話 係 房 跑 一 部 ， 點 估 到 佢 勁 到 由 第 1 代 到 最 新 第 6 代 ， 落 親場 都 橫 掃 一 眾 靚 仔 跑 車 ？ 嚟 到 09 年 更 加 贏 足 40 年 ！
事 關 ， 日 產 一 早 已 有 靚仔 Fairlady Z 做 跑 車 icon ， GT-R 一 生 出 嚟 就 係 做 打 仔 ， 唔 係 畀 你 揸 嚟 溝 女 ， 而係 出 親 場 都 要 戰 鬥 ！ 所 以 多 代 推 出 前 都 要 先 去 鬼 佬 試 車 地 獄 Nurburgring 破 圈 速 紀錄 ， 動 輒 可 以 改 到 1,000 匹 的 超 高 改 裝 潛 能 ， 更 令 鬼 佬 對 日 本 車 刮 目 相 看 ， 就 算 從來 唔 侵 鬼 佬 玩 冇 左 軚 版 ， 啲 鬼 佬 仍 然 封 佢 為 神 ， 甚 至 要 自 己 改 左 軚 嚟 揸 。 無 論 喺 賽車 場 定 喺 街 ， 揸 GT-R 都 唔 使 赦 任 何 supercar ！



喺 玩 車 界 中 ， GT-R 每 一 代 都 係 經 典 ， 神 級 地 位 高 過 晒 其 他 日 本 國 寶 級 跑 車 如 NSX 、 RX-7 及 Supra 等 ， 連 同 廠 Fairlady Z 今 日 都 要 讓 路 做 阿 二 。 今 年 戰 神 40 大 壽 咁 大 件 事 ，香 港 GT-R 迷 仍 然 隆 重 其 事 ， 上 個 禮 拜 深 夜 就 集 齊 近 4 代 拉 龍 大 遊 行 晒 車 ， 由 尖 沙咀 轟 到 入 迪 士 尼 ， 就 算 只 係 正 常 車 速 ， 並 冇 嘈 喧 巴 閉 ， 途 中 識 車 之 人 無 不 眼 甘 甘 望實 ， 《 搵 車 快 線 》 梗 係 順 道 同 大 家 直 擊 加 回 顧 啦 ！


70 年 代 尾 冇 人 唔 識 GT-R ， 當 年 如 高 橋 國 光 及 長 谷 見 昌 弘 全 部 揸 住 佢 起 朵 。
威 盡 全 日 本 KPGC10 (1969-1972)
最 初 ， 可 能 連 日 產 都 冇 諗 到 GT-R 會 咁 勁 ， 只不 過 係 Skyline 行 政 房 車 車

威 盡 全 日 本 KPGC10 (1969-1972)
最 初 ， 可 能 連 日 產 都 冇 諗 到 GT-R 會 咁 勁 ， 只不 過 係 Skyline 行 政 房 車 車 系 中 的 一 個 高 性 能 型 號 ， 而 唔 係 車 名 。 不 過 79 年 推 出第 1 代 代 號 KPGC10 （ 四 門 版 PGC10 ） 的 GT-R ， 當 年 都 要 賣 成 150 萬 日 圓 ， 拍 住 日本 跑 車 中 最 貴 的 豐 田 2000GT ！ 全 因 佢 副 編 號 S20 直 六 偈 出 廠 已 經 行 勁 賽 車 化 的 3 個 獨 立 Solex ， 當 年 日 本 跑 車 頂 盡 都 係 130 至 140 匹 ， 但 GT-R 已 經 有 成 160 匹 ，更 加 「 先 進 」 到 用 埋 5 前 速 波 箱 ， 一 落 場 鬥 日 本 國 內 2000c.c. 賽 事 ， 即 連 贏 50 場頭 車 ， 天 下 無 敵 形 象 由 此 而 起 ！ 所 以 今 日 想 去 日 本 bid 部 狀 態 好 啲 返 嚟 玩 ， 都 要 挨住 25 萬 港 幣 ， 入 口 打 埋 稅 過 30 萬 ， 所 以 就 算 古 董 車 迷 都 未 有 人 玩 過 。

Skyline GT-R KPGC10 Spec.
引 擎 ： 直 列 六 汽 缸
馬 力 ： 160ps/7,000rpm
扭 力 ： 18.0kgm/5,600rpm
傳 動 ： 5 前 速 手 動
易 手 價 ： 約 $250,000 （ 未 連 稅 ）


2 代 GT-R 賣 車 雖 然 唔 夠 200 部 ， 但 一 樣 有 賽 車 ， 更 加 晒 超 大 頭 唇 ， 脹 爆 大 沙 板 。

首 玩 四 圓 燈 KPGC110 (1972-1973)
歷 代 生 產 時 間 最 短 就 係 第 2 代 GT-R ， 當 年 生不 逢 時 ， 撞 啱 石 油 危 機 ， 賣 咗 1 年 就 停 產 ， 全 年 賣 車 數 字 唔 過 200 ， 咁 多 代 中 最 罕， 現 時 炒 價 仍 高 達 20 萬 ！ 尖 嘴 式 車 頭 、 爆 肌 沙 板 到 今 日 依 然 classic 到 暈 ， 引 擎依 舊 keep 住 上 代 副 S20 勁 偈 ， 最 大 馬 力 一 樣 160 匹 ， 但 同 年 代 科 技 最 勁 係 全 日 本第 1 個 用 四 輪 碟 式 剎 車 ， 而 GT-R 傳 統 四 圓 尾 燈 icon 亦 係 由 呢 代 玩 起 ， 被 車 迷 喻 為 GT-R 的 最 大 特 徵 ， 一 個 尾 燈 已 經 夠 嚇 窒 「 啄 尾 」 飛 仔 。

Skyline GT-R KPGC110 Spec.
引 擎 ： 直 列 六 汽 缸
馬 力 ： 160ps/7,000rpm
扭 力 ： 18.0kgm/5,600rpm
傳 動 ： 5 前 速 手 動
易 手 價 ： 約 $200,000 （ 未 連 稅 ）


90 年 R32 顛 峰 之 戰 ， 由 長 谷 見 昌 弘 ， 揸 R32 在 澳 門 東 望 洋 決 戰 BMW M3 ， 最 後 以 平 均 每 圈 快 10 秒 時 間 攞 冠 軍 ， 技 驚 四 座 。

當 年 R32 唔 只 亞 洲 威 ， 更 勁 到 出 國 鬥 英 國 BTCC 。

RB26DETT 引 擎 ， 最 大 馬 力 280 匹 ， 經 重 改 後 要 有 800 匹 都 唔 難 。

重 生 封 神 BNR32(1989-1994) ）
第 二 代 GT-R 一 停 產 就 16 年 ， 89 年 再 出 第 三 代 R32 ， 一 出 就 勁 到 冇 人 有 ， 講 科 技 當 年 更 威 過 晒 寶 馬 、 M-Benz ， 2.6 公 升 RB26DETT 孖 turbo 神 器 原 裝 只 行 約 0.8bar 已 經 有 280 匹 馬 力 ， 套 ATTESA E-TS 聰明 四 驅 更 識 得 用 電 腦 控 制 自 動 分 配 前 後 輪 出 力 ！ 未 推 出 前 去 Nurburgring 試 車 已 經造 出 8 分 22 秒 圈 速 ， 勁 過 晒 寶 馬 M3 同 波 子 911 （ 993 ） ， 之 後 更 加 橫 掃 英 國 BTCC 房 車 賽 同 澳 洲 BATHRUST 房 車 賽 。 不 過 對 香 港 車 迷 最 深 刻 都 係 90 年 澳 門 東 望洋 大 賽 ， 日 本 元 老 級 車 手 長 谷 見 昌 弘 揸 住 部 白 紅 色 R32 ， 由 開 波 即 放 爆 幾 屆 冠 軍 賽車 寶 馬 M3 ， 鬥 到 最 尾 衝 線 更 誇 到 快 2 車 差 唔 多 半 分 鐘 ， 「 戰 神 」 之 名 亦 都 係 由 呢一 代 開 始 ， 唔 只 車 癡 奉 佢 為 神 ， 連 本 地 潮 人 阿 葛 亦 視 R32 為 一 生 至 愛 。
今 時今 日 ， R32 同 期 的 日 本 經 典 跑 車 之 中 ， 只 有 NSX 個 易 手 價 可 以 同 佢 一 樣 企 硬 10 萬以 上 ， 不 過 十 幾 年 車 冇 得 供 ， 好 多 車 迷 都 冇 錢 一 炮 過 畀 10 萬 買 車 ， 對 其 實 際 表 現亦 只 可 以 估 估 吓 。 不 過 原 來 今 日 揸 番 無 敵 戰 神 R32 都 唔 係 真 係 咁 perfect ！ 車 主 Martin ： 「 以 嗰 時 計 部 車 真 係 好 勁 ，

車 主 Martin ： 「 以 嗰 時 計 部 車 真 係 好 勁 ， 不 過 今 日 keep 車 都 有 好 多 嘢 要 注 意 ， 好似 個 四 轉 （ 四 輪 同 時 轉 向 系 統 ） 其 實 唔 係 咁 好 行 ， 攞 佢 去 劈 會 拖 住 行 ， 所 以 最 好 就係 自 己 廢 咗 佢 ， 咁 個 尾 走 起 上 嚟 就 爽 好 多 。 」

Skyline GT-R BNR32 Spec.
引 擎 ： 直 列 六 汽 缸 twin turbo
馬 力 ： 280ps/6,800rpm
扭 力 ： 36.0kgm/4,400rpm
傳 動 ： 5 前 速 手 動
易 手 價 ： 約 $130,000


改 得 最 勁 的 R33 是 JUN 的 Super Lemon RII ， 1,000 匹 馬 力 極 速 376.5km/h ， 鬥 直 路 加 速 賽 快 到 連 車 頭 都 會 升 起 ！

癲 玩 狂 改 BNCR33(1995-1998)
5 年 後 推 出 的 R33 ， 相 信 係 車 迷 最 多 挑 剔 的 一 代， 因 為 部 車 又 大 又 重 （ 比 R32 長 130mm 、 闊 25mm 及 高 20mm ） ， 靈 活 性 唔 夠 R32 咁高 ， 賽 車 戰 積 亦 冇 咁 勁 。 不 過 R33 最 出 名 就 係 飛 街 同 玩 超 癲 Drag Race ， 因 為 佢 生於 改 裝 火 紅 年 代 ， 最 出 名 係 由 改 裝 商 JUN 所 改 的 Super Lemon R33 ， 改 單 一 大 turbo 同 改 電 腦 後 竟 然 可 以 由 280 匹 變 到 1,000 匹 ！ 全 世 界 車 迷 都 俾 佢 嚇 親 ！ 其 他勁 版 仲 有 Nismo LM 同 400 匹 Nismo 400R ， 當 時 連 本 地 名 車 手 關 兆 昌 都 有 1 部 。
R33 V-Spec 版 的 車 主 Barry ， 一 玩 便 玩 了 這 部 R33 7 年 ， 對 部 車 特 性 更 加 瞭 如 指 掌 。「 部 車 夠 馬 力 ， 閒 閒 哋 都 可 以 踩 到 250km/h ， keep 部 R33 最 好 就 係 原 裝 車 ， 唔 係話 改 裝 唔 好 ， 但 改 得 唔 好 就 好 多 手 尾 跟 ， 聽 過 好 多 朋 友 改 完 R33 又 話 呢 度 有 問 題 嗰度 又 壞 ， 有 啲 更 誇 張 到 連 着 車 都 有 問 題 ， 好 似 我 呢 部 90% 原 裝 車 揸 咁 多 年 乜 事 都 冇。 」

Skyline GT-R BNCR33 Spec.
引 擎 ： 直 列 六 汽 缸 twin turbo
馬 力 ： 280ps/6,800rpm
扭 力 ： 37.5kgm/4,400rpm
傳 動 ： 5 前 速 手 動
易 手 價 ： 約 $100,000



R34 一 出 即 鬥 JGTC ， Pennzoil Nismo 廠 隊 一 用 即 攞 全 年 總 冠 軍 。
洗 底 升 級 BNR34(1999-2002)
R33 慘 被 劣 評 ， 日 產 即 將 R34 車 身 體 積 縮 回 R32 水平 ， 經 改 良 的 無 敵 四 驅 更 被 車 迷 評 為 行 路 軌 咁 誇 ！ 進 化 到 第 3 代 的 RB26DETT 引 擎雖 然 最 大 馬 力 仍 係 280 匹 ， 但 好 多 人 買 車 後 即 上 馬 力 機 check 都 唔 只 呢 個 數 ， 改 條喉 都 已 經 過 300 匹 ！ 而 且 R34 最 大 特 色 係 成 架 車 高 科 技 晒 ， 唔 只 用 6 前 速 波 箱 ， 中控 台 更 加 入 5.8 ” 專 用 mon ， 原 裝 車 已 經 睇 晒 油 溫 、 水 溫 等 數 據 。 R34 亦 keep 住鬥 車 ， 日 本 頂 級 賽 事 Super GT 長 勝 將 軍 ， 本 地 GT-R 頭 號 fans 錢 嘉 樂 今 日 都 揸 佢代 步 。
玩 盡 日 本 辣 車 的 R34 車 主 楊 先 生 就 最 冧 戰 神 夠 大 power 。 「 玩 辣 車 邊個 唔 鍾 意 R34 ， 速 度 愈 快 愈 勁 ， 好 似 我 以 前 揸 露 筍 ， 行 到 200km/h 想 再 去 都 難 ， 揸部 R34 ， 你 就 會 仲 有 大 把 係 手 ， 最 怕 係 驚 你 唔 敢 踩 ！ 不 過 揸 R34 就 記 住 睇 實 油 溫 ，副 車 頭 好 易 熱 ， 長 期 激 飛 就 要 加 定 個 油 cooler ， 如 果 唔 係 搞 到 熔 遮 （ 活 塞 ） 就 起碼 要 整 3 幾 皮 。 」

Skyline GT-R R34 Spec.
引 擎 ： 直 列 六 汽 缸 twin turbo
馬 力 ： 280ps/6,800rpm
扭 力 ： 40.0kgm/4,400rpm
傳 動 ： 6 前 速 手 動
易 手 價 ： 約 $250,000


480 匹 R35 喪 偈 ， V6 twin turbo 馬 力 爆 到 驚 ， 行 緊 80km/h 一 腳 大 油 即 輕 鬆 過 150km/h 。

俾 波 子 寸 佢 Nurburgring 造 手 腳 ， 日 產 再 派 廠 手 鈴 木 利 男 跑 過 ， 時 間 更 快 之 前 2 秒 。

R35 今 代 誓 要 威 盡 ， 今 日 更 踩 界 鬥 傳 統 只 有 歐 洲 supercar 鬥 的 FIA GT 賽 事 。
超 跑 行 列 CBA R35(2007-Now)
3 至 5 代 GT-R 一 出 就 出 咗 13 年 ， 但 係 由 外 形 至機 器 都 大 至 相 同 ， 新 鮮 感 開 始 下 滑 ， 所 以 日 產 決 定 將 佢 停 產 ， 一 停 就 停 咗 5 年 ， 其間 不 斷 有 R35 concept 推 出 ， 成 功 做 到 個 勢 好 似 萬 眾 期 待 咁 ！ 07 年 R35 彈 出 ， 480 匹 馬 力 配 易 揸 GR6 孖 極 力 子 波 箱 ， 果 然 驚 天 地 、 泣 鬼 神 ！
意 義 上 ， GT-R 已 經 脫 離 Skyline 車 系 ， 成 為 獨 立 車 款 ； 售 價 上 ， 100 萬 身 價 仲 貴 過 入 門 波 子 ； 實際 上 ， 推 出 前 喺 Nurburgring 試 車 圈 速 快 過 晒 波 子 911 Turbo 同 拉 利 F430 ， 搞 到波 子 廠 都 係 咁 投 訴 佢 用 賽 車 胎 造 馬 。 不 過 上 個 禮 拜 日 本 車 手 鈴 木 利 男 又 再 破 圈 速 紀錄 ， 7 分 26 秒 70 時 間 圈 速 仲 快 過 之 前 公 布 2 秒 以 上 ， 搞 到 波 子 、 拉 利 都 要 縮 埋 一邊 ， 成 個 形 象 已 經 唔 再 係 爛 仔 ， 而 係 快 過 價 錢 貴 3 倍 的 正 宗 supercar ！
而 且車 款 升 格 之 後 ， 連 賽 車 都 要 upgrade ， 除 上 年 開 始 鬥 日 本 頂 級 Super GT 賽 事 外 ，今 年 更 巴 閉 到 跳 出 世 界 ， 鬥 埋 supercar 專 玩 的 FIA GT 大 賽 ！ 本 地 識 車 一 族 ， 玩 開 4 、 5 百 萬 部 拉 利 、 波 子 同 幽 靈 之 子 Zonda 的 關 兆 昌 、 城 城 、 黎 明 更 全 部 力 撐 ， 今代 有 幾 堅 已 經 毋 須 多 講 。
講 到 天 下 無 敵 ， 不 過 R35 車 主 Alex 仍 然 有 少 少 唔 同意 。 「 部 車 係 勁 ， 不 過 就 未 係 完 善 ， 最 簡 單 套 波 箱 1講 到 天 下 無 敵 ， 不 過 R35 車 主 Alex 仍 然 有 少 少 唔 同 意 。 「 部 車 係 勁 ， 不 過 就 未 係完 善 ， 最 簡 單 套 波 箱 1 波 上 2 波 會 明 顯 窒 ， 要 後 期 畀 錢 update 番 個 波 箱 電 腦 程 式先 好 啲 ， 由 於 個 波 箱 新 設 計 擺 車 尾 ， 成 個 傳 統 系 統 會 好 熱 仲 易 overheat ， 試 過 有個 朋 友 個 波 箱 踩 幾 踩 仲 冧 埋 添 ， 整 成 20 幾 萬 你 咪 話 唔 驚 。 」

GT-R CBA R35 Spec.
引 擎 ： 直 列 六 汽 缸 twin turbo
馬 力 ： 480ps/6,400rpm
扭 力 ： 60.0kgm/3,200-5,200rpm
傳 動 ： 6 前 速 自 動
易 手 價 ： 約 $800,000
R35 鑑 賞 級 模 型 　 鍾 意 R35 車 友 必 冧 這 副 1 ： 24 掛 牆 模 型 ， 全 部 R35 過 百 件 parts 1 次 過 晒 你 冷 ， 精 細 度 仲 拍 得 住 出 晒 名 勁 的 F1 super kit 模 型 ， 買 盒 擺 屋 企 直 頭 鑑賞 級 享 受 。 約 $4,800


元 祖 KPGC10 電 話 繩 　 用 第 1 代 GT-R KPGC10 logo 電 話 繩 ， 勁 在 全 個 logo 用 超 輕 鋁 合 金 造 ， 放 手 提 度 用 夠 晒 classic 夠 晒 型 。 約 $120

KPGC110 字 款 打 火 機 　 KPGC110 打 火 機 ， 全 個 火 機 用 純 銀 造 ， 仲 刻 埋 第 2 代 GT-R logo ， 8.5mm x 29mm size 同 Zippo 火 機 一 樣 ， 用 佢 揸 車 點 煙 都 型 過 人 。 約 $524

R32 牛 皮 手 套 　 復 古 款 露 手 指 R32 全 牛 皮 賽 車 手 套 ， 型 在 拳 頭 位 加 咗 紅 邊 ， 手 套 邊有 大 大 隻 GT-R 隻 ， 就 算 唔 戴 住 佢 飛 ， 擺 屋 企 當 勁 有 紀 念 價 值 。 $708

R33 裝 飾 牌 　 全 個 裝 飾 牌 好 似 隻 mouse 咁 大 ， 唔 只 有 R33 個 型 仔 側 面 ， 上 面 更 有 埋 副 RB26DETT 孖 turbo 引 擎 cover ， 買 嚟 齋 擺 都 夠 晒 正 。 約 $254

R34 碳 纖 公 事 包 　 如 果 手 頭 鬆 ， GT-R 必 買 R34 系 列 男 士 公 事 包 ， 誇 張 在 全 個 錢 事包 用 碳 纖 造 ， 入 面 更 用 埋 全 真 皮 間 隔 ， 不 過 雖 然 型 ， 但 亦 超 貴 。 約 $3,937